Gebakte Souskluitjies

Gebakte Souskluitjies

Bestandele

125 g Botter of Margarien

60 ml Fyn Appelkooskonfyt

12,5 ml Koeksoda

250 g (500 ml gesifte) Koekmeel

Knypie Sout

100 ml Melk

750 ml Kookwater

200 g (250 ml ) Suiker

5 ml Vanilla essence

Klontjie Botter

Metode

1.       Voorverhit oond op 200 °C.

2.       Smelt botter en roer die konfyt by.

3.       Roer koeksoda by (Dit sal bruis).

4.       Roer nou die meel wat jy gesif het saam met die sout by, asook die melk – biejie meel , bietjie melk sodat jy nie klonte kry nie.

5.       Gooi die res van die bestandele in ‘n groterige bakskottel met ‘n deksel.

6.       Skep lepels vol deeg in die sous – die kluitjies moet nie op mekaar lê nie.

7.       Sit die deksel op en bak vir 25 minute.

8.       Jy kan nogsteeds ‘n kaneelsuiker mengsel oorgooi sodra jy dit opdien.

Outydse Souskluitjies

Outydse Souskluitjies

Bestandele

250 ml Koekmeel

5 ml Bakpoeier

1 ml Sout

50 ml Botter of Margarien

2 Eiers

Suiker

Fyn Kaneel

62 tot 125 ml Gesmelte Botter

Gereedskap

Meelsif

Pot van ongeveer 17 cm deursnee

Bakskottel of Oondvaste Glasbak

Metode

1.       Sif die droë bestandele saam en vryf die 50 ml botter daarin.

2.       Klits die eiers en 12,5 ml suiker tot lig.

3.       Voeg dit by die mengsel en meng liggies.

4.       Gooi sowat 5 cm water in ‘n pot en voeg 2,5 ml sout en 1 ml kaneel by en laat dit kook.

5.       Doop ‘n teelepel in die kookwater en skep ‘n ronde teelepel vol deeg daarmee uit en plaas dit in die kokende water. Skep 4 kluitjies in ‘n pot van 17 cm en laat hulle vir 10 minute kook.

6.       Lig die kluitjies uit die water en sit din in ‘n warm bakskottel en strooi suiker en fyn kaneel wat saam gemeng is oor die kluitjies, asook ‘n bietjie gesmelte botter. Herhaal tot die deeg klaar is.

Macaroni en Kaas

Macaroni en Kaas

Genoeg vir 6 tot 8 mense

Bestandele

1 kg Macaroni

250 g Bacon, gesnipper

250 g Viennas

1 Koppie Cheddar Kaas, gerasper

1 Groot tamatie, in skywe gesny

5 Eiers

125 ml Melk

1 Eetlepel Olie

Metode

Verhit die oond tot 180 C.°

Gooi olie en sout in ‘n pot met water en kook die pasta daarin tot dit gaar is.

Braai die Bacon tot effens crispy in ‘n pan.

Sny die tamatie in dun skywe soos vir tamatie toebroodjies.

Meng die eiers en melk saam, dit hoef nie vreeslik geklits te word nie.

Smeer, spuit ‘n kasserol bak.

Sodra alles voorberei is, skep ‘n lag pasta in die bak.

Strooi nou die viennas oor die pasta.

Skep weer ‘n lag pasta oor, gevolg deur die Bacon.

Skep bo-oor die laaste lag pasta.

Plaas nou jou tamatieskywe bo-op die boonste lag pasta.

Strooi die gerasperde kaas bo-oor die tamaties.

Giet die eier en melk mengsel oor die kaas.

Plaas die kasserol bak se deksel op en bak in oond totdat die eier gestol is (20 min)

Haal nou die deksel af en bak verder totdat die kaas begin verkleur (10 min)

(Skep baie in jou bord en gooi Tamatiesous of Bladjang oor.)

(Steek die res weg sodat jy met niemand hoef te deel nie.)